Lou Madine Ki Tajalli Se Lagaye Huye Hain Naat Lyrics

Lou madine ki tajalli se lagaye huye hain
Dil ko hum matla e anwaar banaye huye hain

Kashtian apni kinare se lagaye huye hain
Wo kya doobe jo muhammad ki tiraye huye hain

Sharme isiya se nahi saamne jaaya jaata
Ye bhi kya kam hai tere shehar mein aaye huye hain

Ik jhalak aaj dikha ghumbad e khazra ke makee
Kuch bhi hain door se deedar ko aaye huye hain

Qabr ki neend se uthna koi asan na tha
Hum to mehshar mein unhe dekhne aaye huye hain

Naam aate hi abu bakro umar ka lab par
Kyu bigadta hai wo pehlu mein sulaye huye hain

Haazir o naazir o noor o bashar o ghaib ko chor
Shukr kar wo tere aybo ko chupaye huye hain

Kyu na palla tere a’amal ka bhari ho naseer
Ab to meezan pe sarkaar bhi aaye huye hain