Phir Ke Gali Gali Tabah Lyrics in English
Phir ke gali gali tabah thokrein sab ki khaye kyun
Dil ko jo aql de Khuda teri gali se jaye kyun
Rukhsat-e-qafila ka shor ghash se humein uthaye kyun
Sote hain un ke saaye mein koi humein jagaaye kyun
Baar na the Habib ko paalte hi ghareeb ko
Royein jo ab naseeb ko chain kaho gunwaye kyun
Yaad-e-Huzoor ki qasam ghaflat-e-aish hai sitam
Khoob hain qaid-e-gham mein hum koi humein chhuraaye kyun
Dekh ke Hazrat Ghani phail pade faqeer bhi
Chhayi hai ab to chhaoni hashr hi aana jaye kyun
Jaan hai ishq-e-Mustafa roz fazoon kare Khuda
Jis ko ho dard ka maza naaz-e-dawa uthaye kyun
Hum to hain aap dil figaar gham mein hansi hai nagawaar
Chhed ke gul ko nobahaar khoon humein rulaaye kyun
Ya to yunhi tadap ke jayein ya wohi daam se chhuraayein
Minnat-e-ghair kyun uthayein koi taras jataaye kyun
Khush rahe gul se andaleeb khaar-e-Haram mujhe naseeb
Meri bala bhi zikr par phool ke khaar khaye kyun
Gard-e-malaal agar dhule dil ki kali agar khile
Barq se aankh kyun jale rone pe muskaraaye kyun
Jaan-e-safar naseeb ko kis ne kaha maze se so
Khatka agar sahar ka ho shaam se maut aaye kyun
Ab to na rok ae Ghani aadat-e-sag bigad gayi
Mere Kareem pehle hi luqma-e-tar khilaye kyun
Sang-e-dar-e-Huzoor se hum ko Khuda na sabr de
Jana hai sar ko ja chuke dil ko qarar aaye kyun
Hai to Raza nira sitam jurm pe gar lajaayein hum
Koi bajaye soz-e-gham saaz-e-tarab bajaye kyun
Naat Khawan:-