Raaste Saaf Batate Hain Ke Aap Aate Hain Naat Lyrics

Raaste saaf batate hain ke aap aate hain
Hum to mehfil ko sajate hain ke aap aate hain

Ahl-e-dil geet ye gate hain ke aap aate hein
Aankh raahon mein bichaate hain ke aap aate hain

Unki aamad ke payami hain saba ke jhonke
Phool shakhon ko hilate hai ki aap aate hain

Unke jalwon se nikharne lagi dil ki raunaq
Meri taqdeer jagaate hain k aap aate hain

Marhaba salle ala ki hain sadayein har soo
Yaume milad manate mein ke aap aate hain

Chand taaron mein nasir aaj badi hal chal hai
Hum ko asar batate hain k aap aate hain